مشاهد مأساوية لعدد من الشباب المطالب بالعمل بعد عقدين من الدراسة بين المعاهد والجامعات. نهاية الطريق ثلاث سنوات واكثر من الاحتجاج أمام الولاية ومقرات المعتمديات و17 يوم من إضراب الجوع ومبيت في العراء في برد الشتاء القارس.
مشاهد “تصعب على الكافر” كما نقول بلهجتنا العامية لكنها لا تحرك ساكنا بالنسبة للمسؤولين داخل الولاية المنجمية.
إنهم ليسوا آلاف من طالبي الشغل كما يصور البعض … عددهم 70 أو أقل أو اكثر بقليل من أصحاب الشهائد الذين يعيشون ظروف صعبة جدا …
يقول المعتصمون إن” بعض الاطراف عمرو عليهم الوالي وقالواو أخطاك منهم توا يعتصمو يعتصمو ويروحو “
ما تهبطش للإعتصام … أدخل شوف صفحة التنسيقية على الفيسبوك… شوف لوجوه المدخنة تستنى في رحمة ربي … وقتاش هاكم الي قراو سنين في الجامعة … قرووهم والديهم من العظم ولتوا يستنو فرحتهم .. وقتاش يعرسو ويعملو ديار ويكونوا عايلات … والي معرسين منهم كيفاش يوكلو صغارهم.
شوف التصاور وأحكم وحدك … حكم عقلك.. زعمة ما فيهمش حتى واحد من الوضعيات الاجتماعية الي تتطللب تدخل عاجل.
إسأل على الولاة الي سبقوك …. وتخيل لقدر الله تصير لواحد من الي قدام الولاية حاجة … او نفقدوا واحد من المعتصمين جراء اضراب الجوع أو وضعهم السيء جدا… هاك تشوف في حالتهم كيفاش يرقدو تحت الحيط للبرد والمطر.
سمعنا حوارك وصراعك مع بعض النقابات وبعض الأطراف التي تعطل الانتاج وتحرك المحتجين لتعطيل عجلة الانتاج. كلامك صحيح … أهل مكة ادرى بشعابها ونحن وأنتم تعلمون من يعطل الانتاج والاطراف المستفيدة من تعطيل الانتاج … والجهات النافذة التي تحميهم.
كل من يعطل انتاج الفسفاط هو مجرم ويساهم في تأزيم الوضع الاقتصادي والتنموي والاجتماعي لقفصة كل ولتونس كاملة. اضرب بيد من حديد كل من يحاول تعطيل الانتاج. لكن افتح باب الحوار مع كل من يحتج سلميا دون ان يعطل الانتاج وكل من يحمل مطالب ومن لالوضعيات الااجتماعية الحقيقية.
من يحتج بشكل سلمي وتتوفر فيه كل الشروط والمقاييس الاجتماعية الاستثنائية … ليس امامك الا ان تفتح معه باب الحوار وتنظر في ملفه.
وهل يعجر والي قفصة البية… قفصة بلاد الفسفاط … عن تشغيل عشرات المحتجين ممن تنصفهم القوانين الاستثنائية لكونهم حالات اجتماعية ومن عائلات معوزة وبعضهم ارامل ومطلقات وليس لهم مورد رزق ومن حقهم التمتع بانتداب فرد من كل عائلة. نحبو فعل موش وعود … قداش فيهم من وضعية اجتماعية والولاية قداش تنجم تخدم منهم هاو الصحيح …
بالنسبة للخوف على شركة فسفاط قفصة … شكون اخطر على الشركة .. الشباب الي معتصم بشكل سلمي قدام الولاية يطالب بحقو … أو الشباب الي عاطينهم فلوس باش يسكرو السكك باش لكماين متاع “فولان ” تخدم.
أصلا بعض الوجوه الي تعدات في الوطنية تحتج خايفة على الشركة … فيهم برشة من الخدامة الي يخلصوا وما يخدموش … أكثر مستفيدين من تعطيل عمل الفسفاط هم الخدامة الي يخلصوا وما يخدموش … طبعا بعد صاحب الكماين الي يدخل المليارات …
وبعد يجي مواطن صالح يقلك … الي قدام الولاية موش من حقهم يعتصمو … وموش من حقهم يخدمو … معلم راهو كان يدخلوهم يخدمو شهريتهم كل ولعشرة سنين متجيش حق تعطيل يوم واحد عمل شركة الفسفاط … راهو كان صاحب لكماين الي تهز في الفسفاط لصفاقس .. نهار واحد ما يخدمش توا الفلوس هاذيكا نخدمو بيهم الشباب الي شابو قدام الولاية ونعرسولهم ونبحبحوهم …اما راهو الحق سيف موجع في بلاد النفاق.
هذه رسالة من المعتصمين ننشرها كما وصلتنا وسنرسلها لكل الجهات الرسمية حتى تكون شاهدا وشهادة علينا كمنبر حقوقي وعليكم كجهة مسؤولة في الدولة
نحن المعتصمون أمام مقر ولاية قفصة .لينا 3سنوات معتصمين أمام مقر السيادة وحاليا في إضراب جوع لينا 17يوم .حالات اجتماعية تحت الصفر منها العائلات المعوزة محدودة الدخل والأرامل والمطلقات ومن ليس لهم مورد رزقنطالب بالتراجع عن المقاييس المعتمدة المناظرة باعتبار أن الحالة الاجتماعية لانخضع لمقياس ..كذلك نطالب لانتداب فرد من كل عائلة جميع أفرادها معطلون عن العملكذلك توفير مواطن شغل حيث أن هناك اتفاقية مبرمة بها 7200موطن شغل بقفصةالرجاء لفتة كريمة واعطاء حقنا نحن فءة مظطهدة مفقرةمهمشةاشتدت بنا البطالة حيث أصبحت كالوباء اللعين ينهش أجسادنا شيءا فشيءاخدمونا انتدبونا
جميع الحقوق © 2019 محفوظة لـ " حقوق نيوز" - و يحظر نشر أو توزيع أو طبع أي مادة دون إذن مسبق من حقوق نيوز | أنجز من قبل حسن عبدالله
